МУЗЕЈСКА ВИТРИНА

НУ Музеј „Никола Незлобински” во Струга се вбројува во една од најстарите музејски институции во Македонија. Со поставувањето на првата зоолошка збирка во 1982 година започнува и дејноста на оваа институција во Струга. Денес работата на Музејот се одвива преку: биолошко одделение, одделение за археологија и ликовна уметност, одделение за историја и етнологија и препараторска лабороторија. Во рамките на Музејот е и галеријата на Вангел Коџоман со постојана збирка од 35 негови дела и дела од Димитар Пандилов. Одделението за етнологија секоја година, традиционално, ја организира манифестацијата „Ревија на народни носии”. Исто така, Музејот располага со голема збирка подни мозаици што потекнуваат од неколку ранохристијански базилики во струшкиот крај. Во изминатите неколку години Музејот изведуваше и подводни археолошки ископувања на локалитетот „Врбник”, при што се откриени вредни предмети од X до VI век пр. н.е.