ВО ЗАВРШНА ФАЗА Е ИЗГОТВУВАЊЕТО НА ПРЕДЛОГ
- ЗАКОН ЗА ЗАШТИТА НА АУДИОВИЗУЕЛНИ ДОБРА

Со Предлог-законот за заштита на аудиовизуелните добра, што е во фаза на изготвување сеопфатно ќе се регулира нивната заштитата, чувањето и користењето, работата на НУ Кинотека на РМ и правата и должностите на имателите на аудиовизуелните добра како услов за создавање современа правна основа за нивна заштита.

Странските компаративни искуства укажуваат дека во европските законодавства кинотечните добра се дефинираат како аудиовизуелни добра како резултат на развојот на новите медиуми, техниките на продукција и соодветниот заштитен третман.

Донесувањето на новиот Закон за заштита на аудиовизуелните добра произлегува од потребата да се изгради нов систем на заштита на аудиовизуелните добра компатибилен со странските компаративни искуства, како и усогласување на македонското законодавство со европското законодавство.