АКТИВНОСТИ НА СЕКТОРОТ ЗА ПРЕВЕНЦИЈА И ИНСПЕКЦИСКИ НАДЗОР

• Службата за превенција и инспекциски надзор при Управата за заштита на културното наследство по добиено известување изврши увид на случајно откритие при изведување на градежни работи во с. Форино, Гостиварско. Инспекцицката служба констатирала дека станува збор за мермерна надгробна плоча стела, која потекнува од раноримски период и на која стои натписот „Анија во спомен на синот Епикад” - преведено од Маја Басотова, епиграфичар. Управата за заштита на културното нас-ледство во соработка со надлежните институции презема мерки за итна заштита на археолошкиот наод.

• По добиено известување за направени оштетувања од страна на диви копачи на локалитетот „Стоби”, инспекциската служба при Управата изврши увид и констатира дека е целосно уништена гробница од типот „циста”. Управата за заштита на културното наследство, во соработка со службите на Министерството за внатрешни работи, презеде мерки за откривање на сторителите на ова недозволиво дејствие и против истите поднесе кривична пријава за оштетување на споменик на културата.