2008 - ГОДИНА НА МАКЕДОНСКИОТ ЈАЗИК
На 16 мај 2007 година Генералното собрание на Обединетите нации ја прогласи 2008 година за Меѓународна година на јазиците . Со оглед на тоа што прашањата во врска со јазиците спаѓаат во делокругот на активности на УНЕСКО, заедно со образованието, науката, социолошките и општествени науки, културата, комуникациите и информациите, токму оваа организација беше назначена за организатор на овој настан.
Вклучувајќи се во овие активности, Владата на Република Македонија на 15 февруари ја прогласи 2008-та за Година на македонскиот јазик .
Годината на македонскиот јазик е значаен проект на Владата на Република Македонија со кој се потврдува нашата подготвеност за афирмација на македонскиот јазик на патот кон интеграцијата на нашата држава во европската и светска заедница.
Во рамките на Годината на македонскиот јазик се предвидени повеќе активности со кои ќе се третира нашиот јазик во бројните области при неговата употреба. |
