РЕАЛИЗИРАНА Е ВТОРАТА ФАЗА ОД ПРОВЕРКАТА И ВЕРИФИКАЦИЈАТА
НА ГЕОГРАФСКИТЕ НАЗИВИ (ТОПОНИМИ)

Во крајот на јануари 2008 година се реализира втората фаза од проверката и верификацијата на географските називи (топоними) во рамките на проектот Изработка на основна државна карта за ГИС на Република Македонија . За оваа активност Управата за заштита на култур­ното наследство формираше комисија во која беа вклучени специјалисти од Институтот за македонски јазик „Крсте Мисирков”.

Во оваа фаза предмет на проверка беа 8516 топоними од 56 топографски карти (1 : 25000). Корекциите ги опфаќаат грешките направе-ни при транскрипција на топонимите од српскохрватски јазик, потоа греш­ките направени при транслитерација на топонимите од латинично на кири­лично писмо, како и правописните грешки.

Треба да се истакне дека во рамките на овој проект за првпат топономастичката содржина во топографските карти (1 : 25000) е со кири­ли­чни букви, а се исфрлени и досегашните околни јазични влијанија.

Заштитата, негувањето и правилната употреба на топонимите, како вид духовно културно наследство е регулирано со Законот за заштита на културното наследство.