АКТИВНОСТИ НА ИНСПЕКЦИСКАТА СЛУЖБА
Инспекциската служба при Управата за заштита на културното наследство при направениот увид по издадените дозволи за археолошки истражувања на локалитетите „Баргала”, с. Горен Козјак и „Исар-Кале”, Штип, констатира дека истражувањата се одвиваат во согласност со издадените дозволи.
На локалитетот „Баргала”, с. Горен Козјак, во просторот на Епископиумот, е откриена нова архитектонска содржина – просторија за производство вино. Исто така, во непосредна близина на Епископската базилика се откриени контури од друга базилика. Според изработката на елементите, димензиите и содржината на внатрешноста, се укажува дека станува збор за луксузен градски сакрален објект, чие натамошно истражување ќе открие за каков објект се работи.
На локалитетот „Исар-Кале”, Штип, во моментот на увидот е констатирано дека при истражувачките работи кои се одвиваат на делот од акрополот, е откриена внатрешна кула со кој акрополот се дели на два дела, а во јужниот дел од акрополот е регистрирана средновековна еднокорабна црква и мала некропола.
|