Почитувани посетители,
Управата за заштита на културното наследство во својство на правно лице и орган во состав на Министерството за култура и туризам е централна институција во единствениот национален и интегриран правен систем за заштитата на културното наследство.
Согласно својата организациона поставеност, УЗКН управува и ги спроведува административните и стручните постапки во процесите на идентификација, валоризација, заштита и користење на културното наследство и националното богатство на Македонија.
Во изминатите две децении, УЗКН помина низ исклучително динамични општествени процеси, подеми и падови, кои оставија сериозни состојби во делот на заштитата на културното наследство во нашата земја.
Постојаните закани и предизвици налагаат сериозна посветеност и активно ангажирање, воедно и континуирана соработка со мрежата на останатите институции одговорни за заштитата и управувањето со културното наследство, вклучувајќи го Секторот за заштита на културно наследство при Министерството за култура и туризам, заводите, музеите конзерваторските центри, библиотеките, Кинотеката и другите овластени субјекти за заштита на нематеријалното културно наследство, како и невладиниот сектор и другите национални тела вклучени во оваа дејност.
На заштитата и негувањето на недвижното, движното и нематеријалното културно наследство, гледаме како на дел од свесната артикулација на колективната национална меморија во областа на културата и туризмот.
Со градење доверба и партнерство, преку целосна транспарентност, остануваме посветени во намерите своите институционални и човечки капацитети да ги ставиме во функција на унапредување на заштитата и промоцијата на културното наследство како темелна државна вредност која треба да ја пренесеме на идните генерации.
Со почит,
Весела Честоева
в.д. Директор
Извештај за работа на Сектор за превенција и инспекциски надзор во Управата за заштита на културното наследство за периодот Јули-Декември 2025 годинагодина (Прегледај)
Извештај за работа на Сектор за превенција и инспекциски надзор во Управата за заштита на културното наследство за периодот Јули-Декември 2025 годинагодина (Прегледај)
Одлука за избор на Помлад соработник за архитектонско културно наследство (превземи) Одлука за избор на Помлад соработник за персонална евиденција (превземи) Одлука за избор на Возач (превземи)
https://republika.mk/vesti/kultura/grizhata-za-nasheto-bogato-kulturno-nasledstvo-neka-ostane-zaednichka-vrednost-i-obvrska-kako-temel-na-nashiot-identiteti-kontinuitet/ Весела Честоева е дипломирана историчарка на уметноста со археологија, магистрантка на Институтот за национална историја, поранешна пратеничка во Собранието на Република Македонија во периодот од 2008 до 2011 година и веќе 20 години е дел од македонските културни политики преку менаџирање повеќе културни институции, како што е Центарот … Прочитај повеќе
Врз основа на член 22, 23, 24, 25, 26 и 27 од Законот за работни односи (Сл. Весник 62/05, 106/08,161/08, 114/09, 130/09, 50/10, 52/10, 124/10, 47/11, 11/12, 39/12, 13/13, 25/13, 170/13, 187/13, 113/14, 20/15, 33/15, 72/15, 129/15, 27/16, 120/18, 110/19, 267/20, 151/21, 288/21, 111/23, 39/25 и 74/25), в.в. со член … Прочитај повеќе
Делегацијата на Република Македонија, предводена од директорката на Управата за заштита на културното наследство, г-ѓа Честоева, учествува на серија состаноци посветени на Хашката конвенција за заштита на културното наследство во случај на вооружен судир кои се одржуваат во седиштето на УНЕСКО во Париз, во периодот од 1 до 5 декември … Прочитај повеќе
Во просториите на Управата за заштита на културното наследство, на 28.11. 2025 година се одржа онлајн состанок на директорката г-ѓа Весела Честоева, со членовите на бордот на директори на DARIAH-EU конзорциумот, предводени од д-р Агиати Бенарду од Р. Грција и д-р Сузан Шрајбман од кралството Холандија. Состанокот го проследија и … Прочитај повеќе
Во своето обраќање на 25. сесија на Генералното собрание, Директорката Честоева ја реафирмираше силната посветеност на Северна Македонија кон мисијата на УНЕСКО. Во излагањето беше нагласено суштинското значење на Конвенцијата како темелна меѓународна рамка за заштита на културните и природните вредности, како и Исклучителната универзална вредност на Охридскиот регион. Во … Прочитај повеќе
Во просториите на Управа за заштита на културното наследство денес беше остварен продуктивен и значаен состанок со претставници од Европскиот центар за византиски и поствизантиски споменици од Република Грција. На средбата се разговараше за можностите за продлабочување на соработката во областа на заштитата, конзервацијата и промоцијата на византиското и поствизантиското културно наследство. … Прочитај повеќе
Управата за заштита на културното наследство, Република Македонија и годинава е дел од престижната Медитеранска берза за археолошки туризам (Borsa Mediterranea del Turismo Archeologico – BMTA) што се одржува во Пестум, Италија, од 30 октомври до 2 ноември 2025 година. Целта на континуираното учество на оваа Берза е промоција и популаризација на нашето богато културно … Прочитај повеќе
