Во Управа за заштита на културното наследство беше остварен работен состанок со претставници на Генералштабот на Карабинерите на Италијанската Република, со посебен фокус на заштитата на културното наследство и управувањето со ризици. На состанокот беа разменети искуства и добри практики во делот на превенција, подготвеност и одговор на ризици кои го загрозуваат културното наследство, особено во услови на природни катастрофи, вонредни состојби и незаконити активности.
Посебно внимание беше посветено на институционалната соработка, интерсекторската координација и можностите за унапредување на капацитетите преку обуки и заеднички активности. Состанокот претставува значаен чекор кон јакнење на меѓународната соработка и развој на ефикасни механизми за заштита и управување со ризици во областа на културното наследство.
